SiopNEWydd - Adborth ar y Dyluniad - 27.01.2022

Diolch i bawb a ymatebodd i’r broses o gyflwyno adborth ar   y dyluniad ym mis Rhagfyr.  Cafodd yr   holl gyfraniadau groeso mawr gan y Cyfarwyddwyr.

Cafodd yr holl sylwadau a dderbyniwyd gennych eu coladu   a’u cyflwyno i gyfarwyddwyr y siop i’w hystyried.  O’r safbwyntiau amrywiol, a oedd yn aml yn   wrthgyferbyniol, mae’r cyfarwyddwyr wedi rhoi cyfarwyddiadau clir i ni   weithio arnyn nhw gyda’r penseiri.    Cafodd y rhain eu ffurfio o’ch sylwadau chi ar bob agwedd ar y   prosiect, gan gynnwys y dyluniad, y cynlllun, y gyllideb a’r cynlluniau   busnes yn ogystal ag uchelgais y prosiect.

Rydym ni eisoes wedi cael cyfarfod cadarnhaol iawn gyda’r   penseiri i drosglwyddo’r cyfarwyddiadau hyn ac rydym bellach yn aros am   adolygiad o’r lluniadau i weithio arnyn nhw. Cyn gynted ag y bydd gennym   rywbeth i’w ddangos, neu i adrodd amdano, i’r gymuned, byddwn ni’n gwneud   hynny.  Rydym ni i gyd yn teimlo’n   rhwystredig bod y broses yn cymryd yn hirach na’r disgwyl i gyrraedd y pwynt   hwn, yn bennaf oherwydd cyfyngiadau Covid ac ati.  Serch hynny, mae’r allwedd i lwyddiant o   ran sicrhau caniatâd cynllunio, ennill cyllid, a chael siop newydd gynaliadwy   yn dibynnu ar ba mor drylwyr ydym ni o ran sicrhau dyluniad effeithiol.

Adborth ar y SiopNEWydd - 07.01.2022

Diolch i bawb a roddodd o’u hamser i gyflwyno’u sylwadau i ni mewn ffordd mor ystyriol a defnyddiol.  Mae hynny’n wych a dyna’n union roeddem am ei gael!

Fel y rhagwelwyd, cawsom amrywiaeth eang o ymatebion a safbwyntiau.  Ar hyn o bryd rydym yn crynhoi’r rhain mewn ffurf addas i’w rhannu â’r penseiri, fel y gallant ymateb gydag unrhyw newidiadau dylunio, a’u rhannu gyda chyfarwyddwyr y siop y bydd eu penderfyniadau yn y pen draw yn pennu ein dull gweithredu.   

Byddwn yn rhannu’r wybodaeth ddiweddaraf gyda chi ynghylch hynt y siop a’r ffordd ymlaen.

Diolch i chi unwaith eto am eich cefnogaeth.