SiopNEWydd – y newyddion diweddaraf - 05.09.2022

Rydym yn falch o gadarnhau bod ein cais cynllunio am siop   newydd wedi’i gyflwyno a’i gofrestru gyda Chyngor Sir Gâr, cyfeirnod PL/04528.

Mae’n ddigon posibl y bydd y broses gynllunio yn cymryd 16   wythnos ond gall pawb ddilyn ei hynt drwy’r ddolen gyswllt hon:-

https://planning-carmarthenshire.msappproxy.net/PublicAccess_LIVE/SearchResult/RunThirdPartySearch?FileSystemId=PS&FOLDER1_REF=PL/04528.

Os nad ydych chi wedi’i ddefnyddio o’r blaen, efallai y   bydd angen i chi gofrestru gyda Chyngor Sir Gâr er mwyn gweld y cais ar eu   porth.

Os byddwch chi’n teimlo awydd i gofrestru e-bost o   gefnogaeth gyda Chyngor Sir Gâr, yna gwnewch hynny os gwelwch yn dda, er bod   yr adroddiad gan raglen Ways of Working a gynhaliwyd ym mis Mawrth/Ebrill   2021, a gofrestrodd gefnogaeth i’r fenter, yn ffurfio rhan o ddogfennau   ategol y cais.

Bydd tîm y prosiect yn parhau i fod yn brysur yn ystod y   broses gynllunio yn archwilio agweddau eraill ar y prosiect gan gynnwys   cyfleoedd cyllido y bydd y mwyafrif ohonynt yn amodol ar gymeradwyo’r cais   cynllunio. 

Pan fydd gennym unrhyw wybodaeth neu newyddion arwyddocaol   byddwn yn eich hysbysu drwy e-bost, ar ein gwefan ac ar y cyfryngau   cymdeithasol. 

 Mae cyrraedd y cam hwn o’r broses wedi golygu mewnbwn   sylweddol gan bawb ac mae o reidrwydd wedi bod yn drylwyr.  Yr hyn sydd   bwysicaf yw sicrhau y cawn ni’r canlyniad rydym ni i gyd yn ei ddymuno ac, os   yw hynny yn golygu cymryd ychydig mwy o amser ac os yw’n sicrhau bod ein cais   yn llwyddiannus, yna mae’n rhaid bod hynny’n werth chweil!